習近平 民主生活會講話可以點解讀特首選舉？

成報好多時啲料受重視，除咗喺梁振英DQ事件真係準，成報喺解讀 習近平 諗法呢方面，係比其他人準。好似今日《成報》，就攞 習近平 喺上月底民主生活會嘅講話出嚟講，原話係咁

人民立場是馬克思主義政黨的根本政治立場，人民是歷史進步的真正動力，群眾是真正的英雄，人民利益是我們黨一切工作的根本出發點和落腳點。中南海要始終直通人民群眾，我們要始終把人民群眾放在心中腦中。中央政治局的同志必須做到以人民憂樂為憂樂、以人民甘苦為甘苦，牢固樹立以人民為中心的發展思想，始終懷著強烈的憂民、愛民、為民、惠民之心，察民情、接地氣，傾聽群眾呼聲，反映群眾訴求。

其實呢成大段廢話，用香港語七個字講：唔該接地，咪離地

換言之，如果有離地形象嚴重嘅候選人，係唔可能過到 習近平 果關。故宮同河套區兩戰，好明顯睇到一樣嘢，就係林鄭月娥堅離地，統監府更加堅離地，一班離地成咁嘅人，你覺得 習近平 會收貨？成報今日篇文引呢段嘢，係有根有據。

對每一個特首候選人，你走去離地萬丈，你都幾大鑊吓。 習近平 民主生活會講嘅一字一句，都係用嚟整人嘅藉口。所以啲離地萬丈嘅候選人，我會建議佢地早啲抖好過。

後話：點解 習近平 講啲嘢，成日都有句香港語說話可以跟。上年十二月，就講房子是用來住，不是用來炒，根本成話香港語嚟（樓攞嚟住架，唔係攞嚟炒），今次係，做人接地啲喇， 習近平 唔通用香港籍嘅軍師？

捐款：
Citibank Hong Kong: 14830515
恆生銀行：395-158777-882
HSBC / 恆生 Easy Pay / PCCW HKT Payment 拍住賞 / 八達通容易俾： 93807352
銀行轉帳，小額歡迎（＄1都受）
Bitcoin：1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃

想用Google App，經呢度加入：https://goo.gl/PBroUD
捐款者可以索取八折coupon code，慳更多！