桃園市長 鄭文燦 喺毫無先兆下訪美，仲要成為第一位《台灣旅行法》通過後，獲邀進入白宮嘅台灣主要官員，其實係一等大事，但香港啲傳媒個個唔多講，可以見到中聯辦控制下香港啲傳媒可以幾仆街。 鄭文燦 訪美係大事嚟，而且反映出美國人唔會將《台灣旅行法》擺喺度唔用。
鄭文燦 訪美係大事
首先，《台灣旅行法》正唔係好似啲土共傳媒講無用，依家美國人接見 鄭文燦 ，已經反映出，美國人通過條法律一年即用嚟做嘢，仲要堅做嘢。台灣直轄市市長係一個好高嘅位，仲有土共話《台灣旅行法》，或者未來美國針對台灣或香港嘅立法無用，果條友應該係盲嘅。我相信泛民，或者本土派，係應該推動《香港人權及民主法案》嘅通過，仲有左膠話乜嘢爭取美國支持無用果啲大中華膠，我真係當佢係鬼咁處理。
而 鄭文燦 去美國，唔係選總統，佢應該係蔡英文嘅特使嚟，雖然依家咁睇，蔡英文之後嘅總統，好可能就係執行力超高，做咗成堆嘢，你班友恍然大悟果陣已經太遲嘅 鄭文燦 。呢個可以睇到，美國仍然會係支持民進黨政府，呢個光環唔俾柯文哲，好明顯柯文哲嘅中國政策，以至佢同陳水扁行得近引起美國疑慮。美國並唔鍾意陳水扁，而柯文哲、陳水扁兩條友係未必可靠，所以呢個credit俾咗 鄭文燦 以至蔡英文。
而且 鄭文燦 連埋國防部官員都見，就更加肯定係蔡英文特使，因為呢啲係涉及國家安全問題，你無總統授權，你 鄭文燦 點同美國國防部啲官傾，同國務院傾都可以只係涉及桃園市政問題，但如果同國防部官員傾，除咗總統特使，我睇唔到其他可能性。而呢個亦可能為蔡英文被國會邀請喺華府講話鋪路，畢竟侵總統仍然係睇中國唔順眼，而美國嘅總體鷹派氣氛，亦唔會容忍台灣嘅主權受到侵犯。果啲話 鄭文燦 選總統嘅言論，其實好有挑撥離間嘅味道。
當然，有機會由 鄭文燦 拍檔選副總統，如果佢出戰副總統，其實會加分加得好勁。因為 鄭文燦 係新潮流系，新潮流嘅特色除咗紀律性強外，佢哋可以為戰略作出任何戰術可能嘅變陣都係特點，所以新潮流至會成為民進黨嘅長青樹。