德國政府因唔信香港有司法獨立，所以grant黃台仰嘅難民申請，林鄭月娥指德國決定衝擊司法獨立，咁你香港啲法官都要真係實踐司法獨立先得。好不幸， 許智峯 案嘅荒謬罪名成立判決，正正證明咗香港法院，特別基層法院越嚟越多仆街法官，你要德國信你？我睇怕德國可以offer埋 許智峯 政治庇護申請都得。
判 許智峯 有罪係乜叉法官
我喺德國，以英國人身份居住嘅，所以我可以放膽評論香港啲法官，呢次判許智峯有罪嘅法官叫鄭念慈，佢以前判吳文遠嘅案果陣，已經充滿政治偏見，所以如果用德國標準，呢啲法官，日後大清算就有佢份，司法獨立？咪玩喇，邊鬼個信你有司法獨立先得。至少喺裁仔呢方面，一直都唔存在司法獨立，仆街釘官就有一堆，呢度都評論過唔少呢啲釘官。只不過，香港就唔可方便咁評，但呢度係德國商業登記，美國Server，英國人營運嘅地方，就真係另作別論。
其實香港嘅司法獨立，喺德國標準根本唔合格，我2017年7月，我啱啱到德國果陣寫過，當法院變成政權用嚟恐嚇人民嘅工具果陣，法官就應該被炒，呢個就係德國人點看待司法獨立，佢哋對司法獨立嘅睇法，好大程度上係嚟自紐倫堡審訊，所以德國政府處理黃台仰案果陣，直接對香港法院投不信任票，就係因為香港有唔少法官，根本係昧於良心，為求升職亂判廿四，當全世界係盲嘅，英國政府或者仲當係盲嘅，但德國政府唔會喇，所以又嚟呢啲判決，大家點會覺得黃台仰獲得政治庇護唔合理呢？其實受呢啲政治審判折磨過嘅人，都應該獲難民身份。
呢個世界，面係人哋俾，假係自己丟，香港基層法院同檢控官嘅腐敗，造成咗全世界對香港司法失去信心，更加唔好講有法官連不正之風呢啲嘢都講得出，就真係當全世界人都係傻嘅。林鄭月娥唔好以為有人被誤導，係你班中國人慣咗手勢，攞法律嚟做專政工具。東德受過共產黨極權統治，東德共產黨嘅檔案仍然完好，德國人絕對知道你共產黨玩緊乜，佢哋好熟悉你班友嘅玩法添，呢次判決，只不過更令大家唔會信司法獨立存在，更加唔好講乜嘢逃犯條例法官把關，依家啲法官你敢信？